كلمات تعبر عن حزن وانتهاء علاقة الحب والرجوع إليها والتفكير فيها من جديد وتقليب الذكريات المؤلمة والمواقف التى مر بها الكاتب فى هذه العلاقة المنتهية ، وان اللى بتحبه لما تسيبه ويبعد عنك وبعدين يعرف قيمتك ويرجعلك يلاقى الباب مقفول ، ويحس بالندم وانه خسر اكبر خسارة لانه من الصعب يلاقى حد يحبه بجد ، وده بيحصل كتير فى سن المراهقه.
ليه بتسأل عليا
إنت ليه بتسأل عليا وقاصدك إيه من السؤالما كفاية جرحك زمان وكلام كتير إتقال
لو تعرف زمان قد إيه انا كنت بحبك
وهوا الشئ اللى خلانى بعدت عنك
إنت أساسا ماتعرفش تحب / معندكش قلب
عملت كتير عشانك / بعترف إنه ذنب
ذنبى ف إخلاصى ليك . وأنا بوصف ليهم عنيك
لما يسألونى عليك . وانت بتضيع حياتى بايديك
ماتفكرش انى بعاتبك أنا بس برد السؤال
مش ممكن تانى أرجعلك ولا ح أنسى كلام إتقال
أنا بقفل صفحه إتفتحت غصب عنى من الكتاب
مش عايز تانى أفتحها ! أرجوك نسينى العذاب
بعد سنين وبعد ما طال الغياب
رجعت تسأل عنى ليه ؟ ماتقولش إننا أحباب
ماتعرفش الناس حقيقتنا ح يقولوا عليك كداب
كل الناس عارفة إنى بحبك عفوا كنت بحبك
وبجد تستاهل تحية لانى مفهمتش مشاعرك
م البداية كنت أعمى ماعرفتش قصدك
أرجوك تقفل الصفحة دى عندك ماتفكرش فيا
انا نسيتك ياريت تنسانى متسألش يوم عليا
اقرا ايضاماذا لو عادَ معتذرًا؟
اقرا ايضالا تبخل بمعلومة ولا تكتنز المعرفة
لسه حبك جوه منى بس لازم يوم أنساك
مقدرش أقولك نفسى أكمل عمرى معاك
أنا عارف انى غالى عندك بس ده مش كفاية
زمان ضيعتنى بعِندك وضيعت الحب جوايا
أنا عارف وإنت عارف إن ليك كتير حبايب
بس كله مرتاح وعايم ف الغرام ويعيش ودايب
ولا فى منهم مصايب ،
واللى واهم واللى قالك انه راجع ،
واللى غايب ..
راجع تقولى مفيش غيرك وان قلبك حس بيا
إنت أساسا مات ضميرك ،، ولا حلال تكدب عليا ؟
ولا بتجمل ف نفسك ؟ وتطلعنى أنا الغلطان
يا ابنى خلاص انا عرفتك محدش فينا كسبان
دى لعبه وخسرنا فيها بس حاول تنساها
لو ضايقتك بكلمة عديها ماتفكرش فى معناها
وأُعذرنى عشان متسرع كنت فاكرك بتحبنى
يا أجمل حد ف الدنيا بحُبك ليه فكرتنى
ماكنش حب ولا كان طريقى أنا بعلن إنسحابى
راح خلاص وقت العتاب إسمحيلى أقفل كتابى
يا أجمل شئ عرفته وفى يوم من الايام قابلته
وكان له حب جوايا وإتخيلت أيامه معايه
صدقينى مستغرب تبقى دى النهاية !!
خلى بالك أن العلاقات إذا انتهت فى بدايتها بالشكل ده صعب ترجع تانى زى الاول وان الطرف الآخر خلاص بيكون قلبه اتفتح لحد تانى وصعب يرجع يحبك بالشكل اللى كان عليه ، عشان كده ماتندمش لو ضيعت الحب من ايدك ومتحاولش ترجع تانى عشان ماتبقاش صدمة ليك حاول تنسى ولو لك نصيب فى الحب ده هو اللى هيجيلك ساعتها اوعى تضيعه تانى .
تعليقات
إرسال تعليق
منصة Hala الثقافية
اترك تعليق لنا