بعد سنين الحب - خواطر واحد مجنون

بعد سنين الحب 

اكيد اكتر حاجه توجعك انك تصحى على واقع مؤلم مع من تحبه وتكتشف خيانته ، وربما تكتشف أنه كان لا يحبك منذ أن عرفته ، وانك عشت معاه حالة من التسلية وانك كنت لعبة رخيصة فى ايده ، اكيد كل ده هيوجعك اوى وهيوجع قلبك ، وهتحس بألم وحسرة ومرارة وحاجات كتير اوى لأن الحب مكانه القلب وان القلب يتوجع ده حاجه صعبة اوى.

وان ده طبيعى ولازم تكون حاسب ده من البداية  تبقى عامل حسابك ، لان من السهل انك تلاقى حب بس ياترى بقى الحب ده حقيقى خالى من الغايات والاطماع ، ام مجرد نزوة أو قضاء بعض الوقت مع شخص آخر ، هنا يجب عند بداية العلاقة أن تعرف ما تريده من الطرف الآخر وتعرف أيضا هل هو يريدك لشخصك ام لماذا تقرب اليك .

بعض من كلماتى عن الحب الضائع التى اعبر فيها عن مدى الحزن مما اكتشفته بعد سنين من الحب .

بعد سنين الحب تخلى الدموع تتكلم والذكرى بتتحرق

بعد عشقى ليكى ، وعشرة عمر عشناها مُصرة نفترق

بقولك من كل قلبى وأنا حزين

اقرا ايضاخاطرة بعنوان رسالة إلى امرأة

اقرا ايضاخاطرة بعنوان إعتراف وتحدى

اقرا ايضاخاطرة بعنوان لمن تحاربنى

اقرا ايضاخاطرة بعنوان أيتها المرأة الجميلة

إنسى كل ماضى ح يفكرك بيا ، إنسى حتى الذكريات

إنسى اللى كان ، عيشى حياتك مع أى قلب

لو قدرتى كمان إنسينى صعب يرجع تانى الحب ..

كل نظرة ، كل ضحكة ، كل همسة ، ماتفكريش فيها

ولا أى كلمة اعتذار ولا دمعه هترجعى بيها

مش ممكن أرجعلك تانى ولا حتى ح أفكر فيكى

مش ح أشتاقلك حتى ثوانى ولا ح أجرح الدمعه ف عنيكى

خلى بالك م السنين بكره تسقيكى الهوان

ساعتها ح تفكرى فيا وتعرفى أنا مش غلطان

وتجربى نارى ونار لياليا وتبكى ع السنين وعليا

بكره تعيشى نفس نارى .. ومسيرى آخد منك طارى

من حزنى وحزن قلبى ودمع عينى شهود عليا بقولهالك

من بعدى ح تعيشى حياتك ف جو حزين ودنيتك رسمهالك

دنيتك ح تكون مغارة ح تعشيها بحرقه وبمرارة

ح تنامى وتصحى تفكرى فيا ويمكن تكونى مشتاقه لعنيا

دمعك ح ينزل غصب عنك حتى مشاعرك ح تهرب منك

ح تندمى على كل دقيقه ...

بعد كل ده جاية بتقولى الحقيقة

نسيتى اللى انتى عملتيه والامل والعمر ف ثانيه ضيعتيه

وبعد سنين الحب أهون . واللى قلبه يحبه هو اللى يخون

بعد سنين الحب ،،

لا طريقك كان طريقى ولا حبك كان حقيقى

والعتاب مش ح ينفع وبصراحه الوقت فاآت

نبذة : 

هناك الكثير ممن كتبته وانا صغيرا فى مرحلة الدراسة عندما عرفت الحب وكنت احب فقط ، وكنت اعيش حالة غريبة فمعظم من أحببتهم لا أتحدث إليهم واعبر لهم عن حبى بل كنت احبهم فقط ، حب من طرف واحد واعبر فى كلماتى هذه عن حالات قمت بتجربتها بشكل كامل .

وعشت تجارب حب وعشق عنيف فى ذلك الفترة 

وربما البعض من تحدثت إليهم وبدأت علاقة حب معهم 

عشت معاهم تجارب البعد والغدر وعرفت الحزن أيضا ، ولكنى تعلمت الكثير من مواقف تحيط بنا فى الحياة اليومية ، وافادتنى كثيرا ولكن حتى الآن لم اجد تلك الحب الذى يرضينى واقتنع به .