خاطرة بعنوان اللى كنت طالب ايديها

 

اللى كنت طالب إيديها  

ماكنش حب ،، كان اسمه خوف

شافت الدنيا حلوة معاية بس ياخسارة الظروف

فرقتنا بدون أسباب وبدون سابق إنذار

ليه خليتى الخوف يبعدنا ؟

 ليه أخدتى لوحدك قرار ؟

آه م الخوف وآه م الحب 

بقى ف لحظة كده ينهار

وليل الحب والعمر اللى رسمناه 

فى لحظة تحرقه بالنار

بجد خلاص بقيت محتار !!

اللى خوفت عليها عمرى . اللى كانت جوه عنيا

كنتى أغلى حاجه عندى والدبلة لسه ف ايديا

قبلى كانت حياتك إيه ؟ غير غدر وخيانه وخداع

ماتقوليش انه حب لو كان ده حب ماكنش الوداع

ح أنسى كل ذكرى ح تفكرنى بيكى

ولا أى كلمة حلوة ح أفتكرها / 

ولا الدموع حتى ف عنيكى

تقدر ترجعنى ..

أصل صعب أحن لشئ بيجرحنى

صعب أفكر ف الكلام اللى دبحنى

ح أفتكر بس الحاجه اللى يفرحنى

ماتفكريش بقى فيا وتقولى عليا ماضيكى

أنا شى مُشرف وانتى كان الغدر ماليكى

وإتعلمت الدرس منك وعلى ايديكى

بجد تستاهلى التحيه

أنا بس اللى خوفت عليكى وحبيتك حب جنونى

وأنا وحدى اللى خليتك تكونى أميرة

ومكانك جوه عيونى ...

مكنتش أعرف انى عايش كده ع الفاضى

ماتخيلتش انى احب كده عادى

أنا مش بحسب خطوات إنتقامى

وأبدا مش ح تخطرى ف بالى

نبذة 

من الخواطر المؤثرة عن انتهاء علاقة حب قوية حقيقية هنا يختلف شعورك وتتبدل الحياة كلياً وترى الناس والمجتمع بشكل مختلف ، وتشعر بمرارة داخلك ولكن هل تستسلم ام لا ؟ لابد أن تعرف أن التجارب التى تمر بها كثيرة وهنا يكون التعليم مفيد لك ولمن يأتى من بعدك .

هذه خاطرة أحكى فيها عن حزنى وتأثيره فى الابتعاد عن حبيبتى ومن كانت تربطنى بها علاقة حب ، وعشت تجربة قاسية وانتهت علاقتنا للابد ، العلاقة التى بدأت من طرف واحد وانتهت لما صارحتها وهى من أهم لحظات حياتى التى مررت بها ولكنها كانت قاسية إلى حد كبير ، ولذلك قمت بتوصيف حالتى فى بعض كلمات معبرة. 

فالحب كله تجارب إلى أن تأتى من تنسيك كل هذه التجارب وتعيش لها ، وغالبا لا تنسى من احببتها لأنها فى ذاكرتك اهم وافضل الأشياء اليك ، ترى فيها شيئا مميزا ولكن هذا من نسج خيالك فهى امرأة مثل أى امرأة ، ولكن هذه حالة حب فقط ناتجة من خيالك لانك كنت تعيش الحب فقط من الوهم ولكن الحب مسؤولية ، فعندما تعيش مع امرأة تحبك تشعر فى بعض الوقت انك غير سعيد وتسبح بذاكرتك فى ايام الحب الماضى. 

لكن إذا كنت تعيش مع من كنت تحبها فسترى ذلك بنفسك وتشعر بعدم الارتياح أيضا وتبحث عن حب اخر ، لأن العقل الخيالى يهيأ لك أن الحب كلمات وشعور وحياة جميلة وقبلات فقط ، ولكن كما وضحت الحب مسؤولية كبيرة يجب أن تفهمه جيدا حتى تتخلص من الحب الخيالى الذى يسيطر على عقلك .