خاطرة بعنوان مقدرتش أقولها

مقدرتش اقولها 

إنى لسه بحبها ..

إنى بخاف كتير عليهاب وبغبائى ضيعتها

كنت خايف تقولى كلمة وأموت بعدها

هى حاسة بحبى لها وأنا حاسس زيها

فيها ايه لو كنت روحت وصارحتها

ندمان بجد لانى ضيعتها ...

أفرح ولا ازعل انها مش معاية

بشوف ف عنيها نظره بتزيد حنينى جوايا

لما تشوفنى جاى من بعيد بشوف السعادة ف عنيها

وأزعل أنا من نفسى لما اشوف الدبلة ف ايديها

المفروض أنا ابقى مكانه المفروض أنا ابقى حبيبها

بس أكيد أنا كنت أنانى وهى إختارت برده نصيبها

والوقت اللى كنت فيه بحبها . صاحبى برده حبها

راح وصارحها بحبه لها . وكمان إتقدملها

ليه مدافعتش عن حبى لها ؟ وليه مقولتش وقتها ؟

مقدرتش اقوله ان فى حد ساكن قلبها

بس سيبته يروح ويجرب وكنت عارف ردها

مش دى الانسانة اللى تحب وتنسى بسرعة حبها

وجه يحكيلى عنها بيقولى هتندم خليها ف عِندها

رديت وقولت مش دى اللى تندم دى واحدة واثقة ف نفسها

أكيد فى حد شاغل بالها وأكيد ده ساكن قلبها

آخيرا حس بيا وحس بقلبها

وأنا برده لسه بعيد مش عارف أقولها

وهى كمان مش عارفة تصارحنى بحبها

خايفة أكون بحب غيرها وبحبى ده أصدها

وبرده مش ح أقولها أصل المسافه بينا بعيدة

وعشان حبيتها بجد بدعيلها تكون سعيدة

بس خلاص أنا إتعلمت وياريتنى كنت إتكلمت

الحياة مش واقفه عليها ودى غلطتى وانا سلمت

بدعيلها بالسعادة وأدعى لقلبى بنسيانه

ح أقفل الباب عليا وعلى قلبى بأحزانه

نبذة

الحب من طرف واحد قد يكون تجربة قاسية ومؤلمة للشخص الذي يحب وحده، حيث يشعر بالالتزام والعاطفة تجاه الشخص الآخر دون أن يجد الاستجابة المناسبة منه. قد يعاني الشخص من الاحتياج المستمر للحب والاعتراف، ولكنه قد يجد صعوبة في التعامل مع الاستجابة المختلفة أو الرفض. 

 ومع ذلك، يمكن رؤية جوانب إيجابية في تجربة الحب من طرف واحد أيضًا. فالشخص يتعلم قوة وصبر العشق، وقد يتطور وينمو من خلال هذه التجربة. قد يستمتع بالمشاعر الخاصة والانتباه الذي يمكنه تقديمه للشخص الآخر، ويمكنه أن يظهر قدراته الإبداعية والعاطفية من خلال الكتابة أو الفن. يمكن أن يكون الحب من طرف واحد تحفيزًا للتطور الشخصي وتعزيز الصبر والقوة الداخلية.

الكتابة للخواطر تعكس عمق وتعقيد المشاعر والأفكار التي تتمحور حولها الحياة، فهي وسيلة للتعبير عن الأحاسيس والتفاعل مع العالم من منظور فريد وشخصي. يستطيع الكاتب خلال كتابته أن يخلق ثنايا جميلة وعميقة تتيح للقارئ فهم التجارب الإنسانية والتأمل فيها، ويجد القراء في هذه الخواطر تعزيزًا لروحهم وإلهامًا للعيش بصورة أكثر صحة وتوازنًا.