المشروع بدايته فكرة 2024

مشروعك يبدأ بفكرة

 خليك متأكد إنك مهما وصلت لفكرة وشوفتها صعبة ، حاول وأسأل وجرب واعرف إنها مش مستحيل ، خلى عندك طموح وجديه فى الوصول للهدف ، كلنا أكيد بنشوف أى حاجه لسه فى البدايه صعبه ، لكن إحنا اللى بنقنع نفسنا بأنها مستحيله وده غلط ، مفيش مستحيل ولا صعب لأن الصعب يبقى سهل لما ننفذه مفيش حاجه اسمها كده ، فيه حاجه اسمها أنا محتاج ايه عشان انفذ الفكرة دى وهكذا تبدأ تفكر وتشوف انت محتاج ايه . 

إسأل نفسك :

اسأل نفسك كام واحد ناجح ؟ كام واحد عمل فلوس وكان ولا حاجه؟ السبب إنه أشتغل بجد ، وحاول وجرب كتير لغايه لما ربنا أكرمه ، لما تشوف نفسك بتصعب كل حاجه عليك ومش قادر تعملها ، وحاسس أنك هتفشل يبقى لازم الأول تصحح المسار ، وتصحح افكارك ونظرتك للأشياء وتقنع نفسك بأنه انت غلط وان الناس بتفكر بالشكل الصحيح عشان تقدر تنفذ اى فكرة انت عايزها .

أولا هات ورقه وقلم وتكتب فيها إيه اللى إنت ممكن تقدمه جديد ، إيه المشروع اللى ممكن تنجح فيه أو اللى إنت أصلا عايز تشتغل فيه ، أكتب كل حاجه وشوف كل مشروع فيهم محتاج منك إيه ؟ سواء محتاج مال أو وقت أو مجهود ، وبعدين فى نفس الورقه تكتب إنت محتاج إيه ؟  محتاج فلوس محتاج مكان محتاج شريك ،، وهات ورقه جديدة وتكتب فيها إيه الحاجات اللى عندك اللى ممكن تستغلها ، زى مثلا عندك مكان كبير , عندك مال لكن خايف تغامر فى مشروع ، عندك علم معين أو دراسه ومش عارف تطبقها ،، أكتب كل حاجه وبعدين ارمى كل المشاكل ورا ظهرك ، وقول لنفسك أنا هبدأ من جديد ، حدد الهدف وايه المرحلة اللى إنت عايز توصلها وحدد الوقت المطلوب للوصول , وحدد امكانياتك .

اقرا ايضاإنشاء الصفحات الثابتة على مدونة بلوجر

اقرا ايضاكم يمكن أن تربح مدونة بلوجر وكيفية تحسين السيو لزيادة الدخل

اقرا ايضاكيفية الربح من خلال Google AdSense مع مراعاة قواعد السيو

اقرا ايضاأدسنس: كيف تكسب المال من موقعك بكل سهولة وبتحديد قواعد السيو!

إزاى تجيب فكرة جديدة 

أول حاجه تعملها لما تفكر فى مشروع وده فى ناس مش بتفكر فيه ، وعشان كده بيكون مصيرهم الفشل ، لازم تعمل دراسه عن المنافسين لك فى نفس المجال فى أقرب الأماكن لك ، والعروض المقدمه لديهم وأماكن استقدام الخامات أو على حسب أى مجال ، دى اول خطوة تعملها دراسة المنافسين حتى لو بعيد عنك مش بس اللى قريب منك وفى نفس مجالك ، لازم تبحث عن الكل وايه الحاجه الحديثة وايه ينفع وايه لأ وكل شئ خاص بالمنافسين وكم من المكسب لديهم وهل كلهم بيكسبوا نفس الرقم ولا فيه حد منهم مختلف شوية وهكذا.  

بعد عمل الدراسه : 

لازم تشوف أنت بقى هتضيف إيه جديد للمجال ده وايه العروض اللى انت ممكن تقدمها للمستخدم ، وما هى نسبه الربح المتوقعه حسب دراستك ، ولاى فكرة أو مشروع يخطر ببالك هناك العديد من الدراسات المنتشرة على الانترنت او خبرات أصحاب العمل سوف تجدها لذا أدخل وأبحث ، وتعطى لنفسك مجال فى القراءة والبحث والتقصى .

الشريك الخفى

هناك شريك فعال لابد وان تستخدمه ولا غنى عنه وهو الإعلان عما تنتج او تعمل , الإعلانات هى الشريك الوهمى الرابح ، يجلب لك العديد من المستخدمين او المتابعين وكلما كانت لديك طرق سهله لعمليات البيع او الشراء كلما زادت مبيعاتك . 

الفكرة مش إنك هتعمل مشروع وخلاص لازم تعمل انت الفكرة الجديدة ، يعنى مثلا عايز تفتح سوبر ماركت على قدك وفى ناس كتير فى نفس المنطقه ، طيب إيه الجديد اللى ممكن اقدمه ؟ اللى ممكن تقدمه لافته صغيرة على باب المحل من الخارج عليها رقم هاتفك ، وتكتب عليها يوجد توصيل للمنازل اياً كان الطلب ، ولو فى منطقه شعبيه هناك الكثير لا يستطيع النزول لشراء بعض المنتجات فأنت تسهل الامور عليهم ، لكن ما الذى تجنيه أنت من هذا ؟ سوق تزيد من مبيعاتك وتستحوذ على النسبه الأكبر من المستخدمين فى منطقتك وزادت علاقاتك بالناس وفتحت لنفسك سوقا جديداً .

  

يقول أحدهم أنا لا أعرف كيف أفكر أو لا أستطيع - أقول له الفكرة لن تأتيك مرة واحدة ، لابد وان تبحث فى المجال الذى ترغب به وتدرس المنافسين من حولك ، ساعتها تتولد لديك الافكار ، حتى لو عايز ومفيش فكرة عندك ادرس بشكل عام السوق وانهى مجال حابب تدخله بس فكر بقى ساعتها هتقدم ايه فى المجال ده وهيكون جديد مش بس تدخل المجال وتجرب وبس لازم تقدم افكار جديدة ربما تكون انت اللى تعمل تغيير فى اى مجال . 

نصيحة : 

ضريبه النجاح ، فى العمل باجتهاد وبجديه والدراسه وتوفيق الله ، ما انت لو مش عارف تفكر ولا عارف تدرس المجال اللى انت عايز تدخله ، ومستنى لما حد يقولك تعمل ايه فانت اكيد مش هتستمر ،، لازم انت تتعب عشان تنجح ولما تتعب هتعرف تحافظ على اللى بنيته ، الفكرة على ورقة وتلاقى منها كتير ، بس ضيف انت حاجه جديدة والمنافسة بشرف والتعامل مع الجميع ، لازم توصل لمرحلة تطوير الفكرة بتاعتك ، ابحث داخل وخارج بلدك وكون افكارك كويس واحسبها يمين وشمال ، وادرس المنافسين ليك جوه بلدك كويس ، عشان لما تيجى تنافس تعرف تنافس كويس .

اوعى تشوف أى فكرة قليلة ،، خلى بالك كل حاجه بتبدأ بفكرة صغيرة جدا وقد تكون هلوسة أو حلم ، يعمل عليه الإنسان ويقوم بتطويره ودراسته ثم تنفيذه ، زى اللى اخترع الطيارة مكنش محدش مصدق وقيل عنه مجنون ، وعند تجربة الراديو لأول مرة أصيب الكثير بصدمة وذهول لكن الحقيقة انك تتطور عقليا لتناسب الزمن الذى تعيش فيه ، ولابد من أن تظهر افكارك وتعمل عليها .

اتمنى اكون قدرت اوصف فكرتى كويس واتمنى ان اى حد شاف كلامى ده يحاول يطبقه وان شاء الله يكون موفق ، من له اى تجارب رجاءا تزويدنا بها أسفل فى التعليقات حتى نستفيد منها ويستفيد القارئ ، ودى اول خطوة لازم نشارك بعض بكل الأفكار الجديدة وان اى تعليق ايجابى ربما يستفاد منه حتى ولو بمعلومة صغيرة . اتمنى لكم التوفيق.