ياترى بتحسى بالحنين لشخص ضيعتيه من ايدك ، ياترى ندمتى مرة على حد معرفتش قيمته الا أما بعدتى عنه ، حسيتى بالوجع من كلام زى كده لما حاولتى ترجعيله ، الكلمات دى معبرة عن شخص بيسأل اللى سابته بينه وبين نفسه ، ويتخيل أنها تسمعه ويشكى لها ولكن هو يعرف أنه لا رجوع .
كلمات تعبر عن مدى الشعور بالحزن عندما يعشق الإنسان ويتخلى عنه الطرف الآخر وهذا ما حصل معى ، ووصفته ما تمت تجربته بكلمات بسيطة تعبر عن حالتى فى تلك الوقت ، واكيد بتعبر عن حالة ناس كتير لاننا كلنا عشنا تجارب مختلفة اتمنى تعجبكم تلك الكلمات البسيطة .
عامل إيه فيكى الحنين
ياترى عامل إيه فيكى الحنين ؟اللى خدنى معاكى وتوهنى بقالى سنين
إفتكرت ح أشوف الفرح أتاريه علطول حزين
قولت كلامه كله حب ياخسارة طلع آنين
كنت فاكر ح أعيش الحب كل ثانيه وانا وياكى
وأصحى وانام على دقات قلبك واحلم طول العمر معاكى
وبعد الحب ! وبعد ما صُنت !
وكمان حلفت انى يوم ما أخسر هواكى .. بعت هوانا
ما إفتكرتيش يوم من عمرى قضيته معاكى
أتارينى كنت لعبة م الأول للنهاية
عديت الطرق الصعبه عشان تكونى معايه
دورى على حب غيرى يديلك كل شئ
الحب فى قلبى . كاآن . نار زى الحريق
أتارينى غرقت فيكى ونسيت إنى غريق
يا خسارة حبى كاآن . بينورلك طريق
ياترى عامل إيه فيكى الحنين
ملحوظة :
معظم ما كتبته وانا صغيرا فى مرحلة الدراسة الإعدادية عندما عرفت الحب وكنت احب فقط وكنت اعيش حالة غريبة فمعظم من أحببتهم لا أتحدث إليهم واعبر لهم عن حبى بل كنت احبهم فقط . قد لا تكون الخاطرة تعبر عن حالتك ولكن هناك من مر بتلك الحالة وهناك من سيقوم بالتجربة غالبا فى البدايات تكون تلك التجارب لنتعلم منها .
وعشت تجارب حب وعشق عنيف فى ذلك الفترة وربما البعض من تحدثت إليهم وبدأت علاقة حب معهم عشت معاهم تجارب البعد والغدر وعرفت الحزن أيضا ، ولقد عبرت عن حالتى بتلك الكلمات ولست كاتبا محترفا بل هى هواية استطيع اخراج ما بداخلى فى شكل كلمات احكى فيها عن احساسى .
تعليقات
إرسال تعليق
منصة Hala الثقافية
اترك تعليق لنا