اسرار قنوات اليوتيوب الناجحة

 

اسرار إنشاء قناة يوتيوب ناجحة حتى الاحتراف

أسرار لم تعرفها من قبل ويمكنك بكل سهولة تطبيق الخطوات من الموبايل ، فى خلال ساعه سوف تمتلك قناة محترفة ولكن عليك قبل ذلك أن تفكر فى المحتوى الجيد الذى سوف تقدمه على تلك القناة .

لا يمكن إنشاء القناة قبل أنا تمتلك المحتوى الخاص بك
حتى تنجح فيما بعد من خطوات سوف تقوم بها ، وسوف اشرح لكم تلك الخطوات بشكل مبسط جدا .

شرح انشاء قناة يوتيوب

اولا قبل ما تفكر تنشئ القناة لازم تكون محضر فيديو او اتنين من المحتوى بتاعك ، وتكون محضر الوصف والتعريف للقناة والغلاف واللوجو وبعد ما تحضر كل دول نبتدى نعمل القناة .

اقرا ايضاخاطرة بعنوان أيتها المرأة الجميلة

اقرا ايضاخاطرة بعنوان اللى كنت طالب ايديها

اقرا ايضاخاطرة بعنوان أنا لازم أنساك

اقرا ايضابحث عن تاريخ الأدب العربي

 عليك بإنشاء ايميل g-mail يكون باسم القناة يعنى قناتك اسمها مطبخ نونا يبقى تعمل الايميل بالاسم ده matbkh.nona ، من ضمن متطلبات السيو اللى هو شبكة داخلية للقناة ترتبط بالشبكة العنكبوتية اللى هو الأنترنت ، وكمان دى بتديلك صورة كويسة أمام موظفى يوتيوب لما بيتم مراجعه القناة والمحتوى . 

هندخل على جوجل كروم ونكتب تسجيل دخول يوتيوب ونفتح اول خيار قدامنا ، ونسجل دخول بالايميل . ونعمل انشاء قناة ، ونضيف التعريف والوصف والكلمات المفتاحية والرئيسية من الاعدادات ، ونركب الغلاف واللوجو ونحط الراوبط الخاصة بنا .

لازم نعمل فيديو خاص للمشتركين وفيديو خاص بالزائرين يعنى فيديو شكر مثلا للمشتركين . وواحد تانى نرحب بالزوار ، ونختار تصميم معين كده او شكل مميز للقناة ، ونثبت على الحاجات اللى هنعملها دى لفترة كبيرة عشان اللوجو بتاعك وقناتك الناس هتعرفها بشكل معين ماينفعش تعمل تغيير كل شوية . 

هتعمل ربط بين بلوجر واليوتيوب والفيس وأى موقع تانى انت ليك حساب عليه ، يعنى انشر رابط القناة هنا وهنا فى كل حته عشان تعمل باك لينك ، يعنى عدد زوار من مواقع كتير من البحث والفيس وتويتر وغيرها ، وعشان تسهل على الناس اللى محتاج منك حاجه يقدر يتواصل معاك بسهولة . 

اخيرا هتخلص القناة وترفع عليها اول شغلك علطول وتبتدى تنشر روابط الفيديوهات على كل مكان فى الفيس أو اى مواقع اخرى ، وترسل لاصحابك وقرايبك على ماسنجر المهم انك تقدر تجمع اكبر عدد مشاهدات على الفيديوهات ، وهتكون عامله غير مدرج وده هتعرفه فى شرح الفيديو . شكرا لكم جميعا واتمنى التوفيق والنجاح الدائم للجميع .

نصائح مهمة للقنوات : 

اهتم بجودة الصوت والوضوح .
جودة الفيديو لازم تبقى جيدة اقل شئ يكون ٧٢٠ لو اقل من كده باقل فرص ظهور الفيديو فى الصفحة الرئيسية لانه اليوتيوب هيشوفه فيديو مش كويس . 

لازم الفيديو بيكون محتوى يجذب المشاهد ومن اول الحاجات اللى بتعمل جذب المشاهد هى الصورة المصغرة لازم تهتم بيها جدا .

العنوان لازم يكون جذاب وظش لازم يبقى طويل ، المهم عنوان قصير وتقدر توصل للمشاهد اللى انت عايز تقوله وده من أهم الحاجات فى السيو .

تعالى خد معلومات بقى محدش هيقولهالك وربما تنفع معاك وربما ماتمشيش معاك لو مش حابب . عايز تعمل قناة ناجحه وعن تجربة وتبقى كبيرة اولا استعد أنك تنفذ كل الخطوات دى وشوف النتيجة ومش ببلاش طبعا بس هقولك المفيد .
اعمل قناة باى اسم وفعلها برقمك وبطاقتك من الاعدادات عادى جدا عشان تقدر ترفع عليها فيديوهات كتير لغاية 94 فيديو فى اليوم وده عشان ترفع عليها فيديوهات مقاطع تيك توك ومقاطع رقص شرقي الهدف انك هتعمل اكبر عدد مشتركين حقيقين ودى النقطة الأولى . خش ع التانية هتروح اى سيرفر تشترى منه ساعات بس هتعمل اربع فيديوهات يكونوا بتوعك انت شغلك انت دول هتعمل عليهم 4 آلاف ساعه وتكمل شغلك عادى وتنزل المقاطع اللى كل يوم بتنزلها.

بعد ما تخلص الساعات تروح السيرفر تانى تشترى مثلا الف مشترك بعد فترة معينه لما تحس انك عملت عدد مشتركين كويس ومخلص الساعات بتاعتك تقوم بحذف كل الفيديوهات بتاعه الرقص والتيك توك والكلام ده ، وتبدأ بقى تنشر اول شغلك ومش بس تنزله على القناة ونسيبه لا ، لازم تعمله نشر على الفيس وتبعته لكل الناس عندك وتروح السيرفر تشترى مشاهدات ولايكات على الفيديو نفسه لأن فى الاول هتتعب شوية وهتصرف والمسألة هتاخد منك جهد ومادة بعد فترة هتلاقى المشاهدات بتزيد والمشتركين بيزيدوا كمان والموضوع بقى طبيعى .