اعتزال محمود عبد الرازق شيكابالا لاعب نادى الزمالك

إعتزال كابتن شيكابالا لاعب الزمالك

تتفق أو تختلف إعتزال كرة القدم حقيقه لا مفر منها ، لكن فكرة إعتزال شيكابالا مخيفة بالنسبالى رغم انها قريبه ، شيكابالا يمكن مش أهم لاعب حالياً فى الفريق و ملوش أولوية فى المشاركه لكن وجوده بيسبب بهجة نفسية غير طبيعية لجمهور الزمالك حتى لو مش بيعمل أى حاجه ، بعد سنتين ممكن تسمع خبر 
( رسمياً شيكابالا يقرر اعتزال كرة القدم )

و يمر عليك شريط جميل درامى فى ملحمة بطلها شيكابالا مع الزمالك ، ظروف محبطه كان هو فارسها الاول و الوحيد اللى قدر يقف ضدها ، هيمر عليك شريط لاعب كان هو السبب فى حبك للزمالك و بتستنى كل هدف عظيم له و هو رايح يحتفل مع الجمهور او  مشاركته بالفوز مع الوايت نايتس بعد كل مباراة .

شيكابالا 

كان استثناء فى عصره لاعب مزاجى بياخد قرارات اوقات كتير كفيله تخليه يبطل كورة و فى نفس الوقت تلاقيه فى الملعب عكس تيار نفسه بيقدم عظمه كرويه ، اتحرم من مشاركات كتير و بطولات مهمه لكن ارقامه الفرديه عظيمه ، شيكابالا كان ضد المنطق ، شيكابالا مش مجرد لاعب ممتع لكن امكانياته تجبر اى مشاهد ايآ كانت ميوله و طريقه حبه للكورة انه مجبر انه يحبه ... مهارى و هداف و صناعه لعب و بيسجل ركلات حره بيخلق فرص من العدم و لاعب حاسم .

اقرا ايضاخاطرة لمن لا يعرف الحب

اقرا ايضاخاطرة من غير تمرد

اقرا ايضافصيلة الدم بومباي النادرة

اقرا ايضاالشرايين والأوعية الدموية في الجسم

شيكا أجمل شئ شوفته فى كرة القدم و مسيرته اللى عاصرتها من البدايه حتى الآن يتكتب عنها روايات ، احنا مش مجرد جمهور بيحبه دا كان واحد مننا و اكتر لاعب اتعلقنا بيه ، وقت اعتزال شيكابالا هيكون يوم صعب جدآ على جيل كامل اتربى على حب الزمالك ، لما كان بيخرج إعارة كنت بتمنى فى أسرع وقت يرجع الزمالك لانى مبكونش حابب انه يلبس تيشيرت غير الخطين الحمر شيكابالا ملكنا فقط .

 شيكابالا قريب مش هيلبس تيشيرت الزمالك تانى كـ لاعب فى الفريق و متأكد ان رغم صعوبه الموقف لكن طريقه توديع جمهور الزمالك لـ صاحب اكبر شعبيه فى تاريخ النادى هتكون بشكل اسطورى. 

God Save The King 

حياة شيكابالا الكروية قد لا تكون بالشكل الذى تسمع عنه ولا يرضيك كمتابع لكرة القدم المصرية ولكن هو أسطورة نادى الزمالك ولولا تخلفه فى بعض الأوقات عن ممارسة الكرة بشكل صحيح لكن اعظم لاعب عرفته الكرة المصرية بل والإفريقية والعربية معا ، ولكن اللاعب نفسه ضيع تاريخ كبير كان من الممكن كتابته فى عالم كرة القدم ، لكن هو كلاعب مميز وحريف بمعنى الكلمة ولديه لمسة سحرية وهو معشوق الزمالكاوية لانه زملكاوى الأصل ويحب النادى الابيض جدا . 

بالفعل سوف يقدم شيكابالا اعتزاله اليوم وسوف يكون واحدا فى جهاز تدريب الزمالك لانه يتمتع بشخصية القائد ويستطيع فعل ذلك جيدا ، وتفقد الملاعب قيمة كبيرة باعتزال شيكا أسطورة النادى ولكنه يستطيع كتابه اسمه مرة أخرى فى عالم التدريب والإدارة للكرة المصرية ، بعدها نبحث عن شيكابالا جديد .