هتكونى بعدى ايه ! خواطر واحد مجنون

 

بعد الحب قد تجد من يجرحك بشدة ويقسو عليك ولا يحن لك ابدا مهما فعلت هنا لازم تاخد قرار الرحيل وهذه الحالة تكون ممتعه لبعض الناس لأنهم يثبتون للطرف الآخر أنه كان لا يساوى شئ بدونه وانا هو الخاسر ، لا تكون شماته فى الطرف الآخر ولكن هى إثبات أنه خسر كل شئ عندما تخلى عن حبيبه ولم يقدر ما فعله من اجله وعادة لا ينسى كلا من الطرفين تلك اللحظات فواحد يراها مؤلمة والآخر يستمتع بمشاهدة الطرف الذى يتألم لكن كلاهما لا ينسى لأن الحب الاول لا ينسى .  

خاطرة معبرة عن رحيل فتاة احببتها ولكنى كنت اثق فى نفسى وفى حبى لها واعرف أنها سوف تبحث فيما بعد عن حب مثلى وان الايام غرتها وصورت لها المظاهر كأنها دائمة ، كنت احبها كثيرا وكتبت هذه الكلمات ولم اعرف وقتها أن الإنسان يمكن أن يحب وفجأة ينتهى ذلك الحب ولكن يستمر الإنسان فى مشاهدة أو مراقبة من كان يحبه ليشعر أنه كان على صواب ، وان الشخص الآخر قد خسر شيئا كبيرا . 

هتكونى بعدى إيه ؟

      كتير أقولك ماتغلطيش
وجيتى وطالبة بإنى أسامحك دلوقتى بقولك ماترجعيش
كنت بسامحك وعايش ف جرحك كنتى ليه مابتسمعيش
ونفس الغلط بيكون وكأنه بيكى مجنون
 مش راضى يسيب حياتنا

هوا طبع جواكى ، ولا مخلوق معاكى
 علشان تبكى قلوبنا ولا بيزيد آهاتنا
مش ممكن تبقى حبى ولا صميم ف قلبى ولا الفرحه ف عنيا. دا أنتى الأحزان وإنك نابتة من أرض زيك دورك تمثيل عليا
ح أنسى كل ذكرى بتفكرنى بيكى والأيام معاية
مستحيل يوم أقولك علمت فيا النهاية

إبتدينا على شوق وفرحه .. قولنا ف النهاية طرحه
وأبقى ليكى وتبقى ليا
قولتى عمرى ما ح أبقى جارحه .. هو قلبى وفيه مُسامحه
وإن عمرك فدا لعنيا

كل ليه بأحزان بفتكر جرحى  معاكى بعد سنين وأيام طويلة

اقرا ايضابحث عن نشأة الحضارة المصرية القديمة

اقرا ايضاخاطرة بعنوان مقدرتش أقولها

اقرا ايضاخاطرة بعنوان رسالة إلى امرأة

اقرا ايضاخاطرة بعنوان إعتراف وتحدى

عيد ميلاد مليان دموع وافتكر اليوم اللى كانت ذكراه جميلة
 بندم على كل ثانيه وكمان على كل دقيقة
مش ح أحبك مرة تانيه حتى لو قولتى الحقيقة

متحاوليش تفهمينى بإنى خسرتك وخسرت حضنك الدافى
وتوهمينى بإنك ليا وتوهبينى كل الحب بالخداع وتقولى صافى
ودى كانت فرصة عمرك وخلاص ضاعت يا عمرى
إديتك كل الحب وحنان وعطف القلب وملكتى حتى أمرى
 وعلى إيدك عرفت يعنى إيه معنى الوداع
يعنى حبك كان أوهام وبداية للضياع

لو كان بإيدى أرجع كل ثانية معاكى عشتها
لو كل حلم يرجع والامانى اللى معاكى رسمتها
لو كان بإيدى أرجع كل فرحه معاكى قسمتها
بس خلاص الوقت فات والذكرى حرقتها من اول يوم وداعنا
إنسى إنى يوم أسمحلك تكونى حبيبتى . ماتفكريش ف رجوعنا
وبإيديكى كتبتى النهايه وكانت أصعب حكايه

بقولك ياريت تسمعينى ..
يا أحلى أيام العمر من قلبى ما ترجعيش
لو مفيش ف الدنيا غيرك .  مستحيل معاكى أعيش
وح أشوف .. ح تكونى بعدى إيه ؟

تلك الكتابات مرت على ناس كتير اوى وناس كملت حياتها بشكل طبيعى وناس حاولت تنسى وناس نست وناس مش عارفة تنسى واعتقد أن البعض مر بتلك الظروف فلا يجب أن نقف عند نقطة معينه يجب أن نمضى لطريق لا نجد فيه صعوبات أو حب من تلك النوع لذا ادعو الله ان كل حبيب يحب من قلبه لا يفارق من يحب وان يجعل بينهم حب أبدى واشتياق دائم واخيرا لا تبخل بتعليق إذا كنت تمر بظروف مشابهه .