صدق نفسك عشان انت صح

صدق نفسك انت صح  

يا ترى عندك حلم لازم توصله أو فكرة تغير حياتك 

ياترى عندك هدف ؟ طب مستنى ايه عشان تحققه 

مستنى فلوس ؟ مستنى خبرة ؟ مستنى سند ؟ 

اى فكرة وليدة اللحظة ممكن تتنفذ حتى لو كنت شايفها مستحيلة لان ده عقلك المحدود مفيش مستحيل اصلا ،

اقنع نفسك اولا أن مفيش مستحيل وحط الجملة دى بدالها المستحيل مش مستحيل لكن صعب ، اى فكرة هتفكر فيها حتى لو كنت شايفها مستحيلة هى الحقيقة مش مستحيلة لكن صعبه وعشان تتنفذ لازم عدة خطوات عشان تقدر تنفذها .

اولا :- التفكير الجيد ورسم الفكرة داخل عقلك كويس واخد التصميم من عقلك الباطن . هنفترض انك فكرت فى فكرة وليكن روبرت آلى ارجع بذاكرتك كام سنة ورا ، هنشوف ان الفكرة كانت شبه مستحيلة لكن تحققت الان ومش بس كده ده كمان بقى التطوير مستمر لدرجة أن الروبوت ده بيستخدموه فى اغراض كتير صعبه وبينفذها بإتقان .

ثانيا :- لازم تعمل دراسة شاملة عن الفكرة اللى اتولدت فى دماغك عبر البحث فى الانترنت ومعرفة كل ما يخص فكرتك من قريب أو بعيد ، ماتقللش من حد وخد اى فكرة واى تفاصيل من اى شخص المهم فى الاخر تكون فكرتك انت وتطورها وتشتغل عليها .

ثالثا :- ادخال عنصر التفكير المستمد وهو مشاركة افكارك ورؤيتك مع عدة أشخاص تثق فيهم واستمع جيدا لما يقولون وسجل كل المعلومات الخاصة منذ بدايتك فى دراسة الفكرة .

اقرا ايضامذبحة الدولفين السنوية في الدنمارك

اقرا ايضااحمدوا ربكم: فن الحمد وفوائده الروحية والصحية

اقرا ايضامقاصد الأقدار وسوء الظن بالله

اقرا ايضاتاريخ الأطباء العرب والتفوق الطبى

رابعا :- البحث عن من يساعدك فى فكرتك اى انك سوف تبحث عن المساعدة من الأشخاص ذوى الخبرة بفكرتك 

ولعل من أبرز المؤسسات البحث العلمى ، المهم فى كل ده انك تصدق نفسك وتعمل على أعمال المجال العلمى يعنى ماينفعش ادرس فكرة اتولدت فى دماغى بخبرات الناس حواليا فقط .. 

البحث 

لابد من البحث كثيرا داخل وخارج بلدك عن اى حاجه تكمل بيها فكرتك وايه التطوير اللى ممكن تضيفه لفكرتك .

خلى عندك ثقة فى نفسك وقدراتك وتطورها ، لان اللى اخترع التليفزيون " جون لوجى بيرد " كان برده شايف أن صعب بس مش مستحيل وقرر ودرس وعمل ابحاث ، وحاول مرة واتنين ونجح والآن تم تطويره وبقى شئ مهم فى كل انحاء العالم .

ومخترع الطائرة الأخوين رايت كان برده الحلم صعب لكن مش مستحيل وكان التفكير مستمر والدراسة ونجحوا فى التحليق والطيران فى الجو ، لازم تعرف انك طالما بتفكر وعايز توصل لحلمك هتوصل اكيد بس بالعلم والمعرفة والصبر فى التنفيذ  ، موضوعى ليس عن اختراع شيئ ما بل هو للافكار العامة النجاح قد يكون فى كل شيء .

الطريقة 

ممكن تفكر ازاى تطور نمط حياة البشر او افكار تسويقية جديدة أو حتى نجاحك فى حياتك الشخصية

المهم انك تبقى حاطط امام عينك العلم والمعرفة والدراسة اللازمة لتطوير فكرتك والنجاح الحقيقى ليس نجاح فكرتك فقط النجاح هو أن ترى الناس ينتفعون بما فعلت .

ادعوك وأدعو جميع الناس دائما للعلم والمعرفة حيث أن الزمن القادم لا تستطيع العيش فيه بدون معرفة وعلم 

وتنشأ وتعلم وتربى اولادك على العلم المستمر لاستخراج منهم المواهب وتطويرها ، حتى يستطيعوا مجابهه العالم فى ظل انتشار التكنولوجيا الحديثة التى تتطور يوما بعد يوم ، اتمنى أن تكون تكونت لديك فكرة تفيدك وتعلمها لاولادك فدائما وابدا العلم والمعرفة لكل شيئ .

لازم تصدق نفسك فى اى فكرة وماتستهونش بأى فكرة مهما كانت صغيرة ، لان الصغير بيكبر لازم تكون دائما عارف كده ، مفيش حاجة بتفضل على حالها ابدا ، وارد تبقى تبقى فكرة صغيرة تغير مسار العالم وكل يوم العلم يثبت لنا اشياء كنا نحتسبها تافهه لكن فى الحقيقة هى افكار جديدة وتغير مسار العالم .

مهم جدا انك تحس بالثقة فى نفسك ومن الناس حواليك وكمان انت تثق فى الناس ، عشان لما الناس تثق فيك وانت تثق فى نفسك ده هيولد جواك طاقة إيجابية وهتعرف تشتغل صح على فكرتك .