القبول فى ادسنس والشروط المطلوبة

 شروط أدسنس للربح من المدونات

مرحبا بكم ويسعدنا تواجدكم فى مدونتى بلياتشو مصر الثقافية

المقدمة :
برنامج أدسنس هو افضل طرق الربح من الإنترنت ، وله شروط صارمة ويتطلب عمل جاد ومفيد ومكتمل كى تكون شريك مع أدسنس لعرض الإعلانات على موقعك ، وتبدأ ادسنس فى احتساب أرباحك ويمدك بكل الاحصائيات عن زيارات موقعك وعدد الضغطات على الاعلانات .

الاشتراك فى أدسنس :

كيفية الاشتراك ، وكسب الأرباح
لا تفكر فى برنامج أدسنس الا إذا كنت تملك موقع جيد أو مدونة بلوجر ، ويمكنك امتلاك مدونة بشكل مجانى تماما على منصة بلوجر وهى تابعه لجوجل ، لكن شروط ادسنس صارمة للغاية إذا يجب عليك الاهتمام بمدونتك قبل البدء فى التقديم إلى منصة ادسنس .

اولا يجب عليك ملئ مدونتك بمقالات حصرية من تأليفك ، أو كتابه مواضيع كإعادة صياغه ، يمكنك نقل خبر او مقال من موقع آخر لكن لابد أن تغير صيغته من جديد بشكل كامل مع تغيير العنوان والعناوين الفرعية والثانوية ، واذا كنت لا تحترف الكتابة عليك بالتعلم عبر فيديوهات اليوتيوب او المقالات المنشورة على مواقع اخرى ، أو تقوم بنقل ما يكتبه شخص آخر إلى موقعك بعد الاتفاق معه ووضع اسمه أسفل المقال ، لا تسرق مقالات وتضعها باسمك لابد أن تكون البداية سليمة .

وهناك أشخاص يكتبون مقالات حصرية وبيعها لمن يرغب وهناك اسعار للمقالة وعدد كلماتها ويمكنك طلب اى موضوع ، كى يتم تنفيذه لك حسب رغبتك ، أما اسعار المقالات تبدأ من ٥ جنيهات مصرى إلى ١٠٠ جنيه .

شروط أدسنس :

أهم شروط برنامج أدسنس
أولا : عدم نقل اى مواضيع من مواقع اخرى ، جوجل تمنع النسخ واللصق ولا يقبلك برنامج أدسنس كشريك معه .
ثانيا : لابد أن يكون سنك اكبر من ١٨ سنة ، وده بيعتبر مش شرط لأن بيتم التحايل عليه .

اقرا ايضاتأثير الواي فاي على الدماغ حقائق واشاعات

اقرا ايضاالسلطان سيف الدين قطز: حكم وإرث ملكي

اقرا ايضاالعبقرية العلمية أينشتاين

اقرا ايضامذبحة الدولفين السنوية في الدنمارك

ثالثاً : ممنوع تتكلم عن الجماعات أو تكون داعم لأى جهه ، ولا التطرف ولاتشجع عليه .
رابعا : ممنوع تستخدم تطبيقات أو روابط العاب ، لان ده هيكون فيه حاجات ليها حقوق ملكية .
خامساً : مقال طويل منظم ، أكثر من ٢٠٠ كلمة ويحتوى على عنوان وعناوين فرعية وثانوية .
سادساً : قالب متجاوب وعمل صفحات الخصوصية واتصل بنا ، واتفاقية الاستخدام ومن نحن .

فى حاجات لو عملتها غلط المشكلة هتبقى كبيرة جدا لان ده هيقفلك حسابك على ادسنس ، لكن مدونتك هتفضل موجودة ، لكن ممكن فى لحظة حساب ادسنس يقف وتخسر أى مبالغ عليه ، ومش بس كده مش هتعرف تعمل حساب تانى باسمك ، لازم بقى يكون حساب باسم مختلف  غير البيانات اللى كتبتها فى الاول .

كمان ماتحاولش تعرض اعلانات على مدونتك من مواقع اخرى شبيه منصة أدسنس ، لان ده مخالف وهتلاقى حسابك وقف فورا ، ماتسمعش كلام حد عن زيادة الأرباح ومواقع تبادل الزيارات كل ده مخالف تماما .

طبعا فى ناس بتبدأ شغلها على المدونات بالنيتش والكلمات المفتاحية ، عشان تزود أرباحها وطبعا دول ناس فاهمه ، بس عشان اسهلها عليك فى الاول ابدأ بكتابه مواضيع على الأقل ٢٠ مقالة بشكل احترافى ، ثم بعد كده اكتب مقالات تريند يعنى مواضيع حدث الساعه .

عشان تعمل زيارات كتير لمدونتك ابحث عن الكلمات المفتاحية وشوف أعلى الكلمات اللى عليها بحث كتير فى جوجل ، ودى أداة تابعه لجوجل اسمها جوجل اوورد ، نتدخل عليها تشوف الكلمات الأعلى وحاول كل مواضيعك تحط فيها الكلمات دى .

تانى حاجه حط نفس الكلمات جوه المقال يعنى حاول تستخدم نفس الكلمات كلها جوه المقال اللى بتكتبه ، بشكل منظم وطبعا لازم كل المقالات تكون مفيدة للزائر بحيث يقضى وقت على مدونتك ويقرأ ما تكتبه بإمعان .

حاول تربط مقالاتك ببعض ، يعنى كل موضوع حط رابط الموضوع اللى قبله واللى بعده ، خلى الزائر عندك يتابع مواضيعك وتظهرها أمامه ربما لا يراها ، هكذا يظل المتابع على مدونتك وقت طويل يشاهد المواضيع التى يراها مناسبة له .

اخر حاجه حاول تخلى موقعك او مدونتك بشكل بسيط ،  وتسهل على المتابع قراءة مقالاتك بشكل أسرع وأسهل ، وإظهار الصفحات الأساسية أمامه وروابط المقالات القديمة والجديدة للحصول على عدد زائرين افضل يوميا وجذب متابعين .

فى الاخير حابب أنبه لكل شخص بيشوف أو بيسمع عن جوجل ادسنس أو الموضوع بشكل عام احب اقولك أن فعلا ده بقى مصدر دخل لناس كتير ولسه فيه ناس بتحاول عشان توصل ويبقى ليها مصدر دخل آمن من خلال الإنترنت ، وياريت تقرأ عن الموضوع كويس وحاول تستفيد وتنفذ ولو  حاجه صغيرة وان شاء الله توصل لهدفك ، وان الموضوع مش تافه ولا لعب عيال بس محتاج منك دراسة عشان تفهم كل النقاط المطلوبة .

اللى حابب يسأل اى سؤال يترك تعليق اسفل المقال وان شاء الله هجاوب عليه . تحياتى